Við Hugrún tókum okkur einn heilan og langan dag í að hreinsa til og brenna tré sem voru höggin í haust. Þarna var nokkur eldiviður sem þurfti að aflima og stafla. Eldurinn var búinn að loga allan daginn og var ljómandi fínn til eldamennsku, svo okkur datt í hug að nota flatar steinhellur til að steikja kjöt og elda grænmeti með. Mig minnir að við höfum prófað þetta í Portúgal eða á Kýpur fyrir nokkrum árum, en þar var steinhellunni skellt inn í ofn og hún síðan borin fram fyrir viðskiptavininn að steikja eigin kjöt.
Þetta heppnaðist mjög vel og var alveg ljómandi skemmtilegur endir á góðum degi. Kristinn missti af þessu, gisti hjá vini sínum, en það koma fleiri dagar og nógur er viðurinn.
ENGLISH: We were burning branches and old wood, as well as cutting firewood (one stage of many). At the end of the day we fried our steaks on a hot piece of flat rock. Lovely and romantic with some red wine.
Engin ummæli:
Skrifa ummæli